Plantun de Prouvènço

Pèr coumpara dos planto d'encò nostre

Orobanche amethystea & Hieracium morisianum

Orobanche amethystea

Orobanchaceae

Noms en français : Orobanche couleur d'améthyste, Orobanche du panicaut.

Descripcioun :
Aquesto erbo-de-taurèu parasito majamen lou panicau e lis àutri Eryngium. Es uno planto pulèu forto, vióuleto emé de fueio en lanço que podon faire mai de 2 cm. Li sepalo soun acabado pèr uno longo pouncho. Fai partido dis Orobanche qu'an lis antèro bruno e lis estamino estacado à 3-4 mm de la baso de la flour.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 10 à 50 cm
Fueio : ges
Tipe bioulougico : Teroufite
Cicle bioulougico : Planto de l'an

Gènre : Orobanche
Famiho : Orobanchaceae

Ordre : Lamiales

Coulour de la flour : Roso
Petalo : irreguliero
Ø (o loungour) flour : 15 à 22 mm
Flourido : Printèms - Estiéu

Sòu : Ca
Autour basso e auto : 0 à 1200 m
Aparado : Noun
Jun à juliet

Liò : Tepiero seco - Ermas
Estànci : Termoumediterran à Mountagnard
Couroulougi : Eurimediterrano
Ref. sc. : Orobanche amethystea Thuill., 1799

Esparello(-de-Moris)

Hieracium morisianum

Asteraceae Compositae

Nom en français : Épervière de Moris.

Descripcioun :
Aquesto esparello, pulèu coumuno mai pas toujour bèn couneigudo, fai partido dóu group VILLOSA, presento au nostre soulamen en mountagno. Trachis dins li tepiero roucaiouso e li roucas. Es un Hieracium emé forço fueio de cambo e pu de fueio de baso à la flourido (ipoufiloupodo) emé proun de péu sus l'enflourejado e peréu sus lou dessouto di fueio. Fai partido de l'espèci couleitivo valdepilosum, pamens se destrìo dóu tipe qu'a li bratèio dóu dedins tant primo que li dóu deforo. Se penso qu'aquèsti Hieracium vènon de H. villosum introugressa pèr H. prenanthoides emé si fueio un pau en viouloun (Flora Gallica, op. cit. p. 444).

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Grando erbo
Taio : 15 à 40 cm
Fueio : alterno
Tipe bioulougico : Emicriptoufite
Cicle bioulougico : Planto renadivo

Gènre : Hieracium
Famiho : Asteraceae
Famiho classico : Compositae
Tribu : Cichorieae
Ordre : Asterales

Coulour de la flour : Jauno
Petalo : >6
Ø (o loungour) flour : 13 à 15 mm
Flourido : Printèms - Estiéu

Sòu : Ca
Autour basso e auto : 1400 à 2300 m
Aparado : Noun
Remarco : Endemico dis Aup
Jun à avoust

Liò : Tepiero roucaiouso - Roucas
Estànci : Mountagnard à Aupen
Couroulougi : Ouroufito-Sud-Éuropo
Ref. sc. : Hieracium morisianum Rchb.f., 1859 (= Hieracium elongatum Willd. ex Froël., 1838 )

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Orobanche amethystea & Hieracium morisianum

ges

Coumpara Erbo-de-taurèu(-vióuleto) emé uno autro planto

Coumpara Esparello(-de-Moris) emé uno autro planto